პროექტისთვის შეიქმნა ერთიანი დაბალდენიანი სისტემების ეკოსისტემა, რომელიც აერთიანებს უსაფრთხოების, კომუნიკაციისა და სასტუმროს მართვის სხვადასხვა მიმართულებას.

ობიექტზე მოეწყო ხანძრის აღმოჩენისა და შეტყობინების სისტემა, ხმოვანი შეტყობინებისა და ევაკუაციის სისტემა, ვიდეომეთვალყურეობის სისტემა, ქსელური ინფრასტრუქტურა, შენობის მართვის სისტემა (BMS) და ოთახების მართვის სისტემა (RMS).

უსაფრთხოების სისტემები უზრუნველყოფს სწრაფ რეაგირებას კრიტიკულ სიტუაციებში, ხოლო ვიდეომეთვალყურეობის ინფრასტრუქტურა სასტუმროს ადმინისტრაციას აძლევს შესაძლებლობას ეფექტიანად მართოს როგორც სტუმრებისთვის განკუთვნილი, ისე საოპერაციო სივრცეები.

ქსელური ინფრასტრუქტურა ქმნის სტაბილურ ტექნოლოგიურ საფუძველს სასტუმროს ყოველდღიური ოპერირებისთვის, ხოლო შენობისა და ოთახების მართვის სისტემები ხელს უწყობს ენერგორესურსების ეფექტიან გამოყენებას და სტუმრის კომფორტის გაუმჯობესებას.

პროექტში ინტეგრირებულია საერთაშორისო ბრენდების სისტემები და ტექნოლოგიები, მათ შორის Centraline by Honeywell, INNCOM by Honeywell, Notifier, Variodyn, Hikvision და Cisco Meraki. საერთაშორისო ტექნოლოგიურ პარტნიორებთან თანამშრომლობამ InWest-ს საშუალება მისცა შეექმნა თანამედროვე სასტუმროსთვის შესაბამისი, მასშტაბირებადი და საიმედო ინფრასტრუქტურა.